साहित्यकार जितेन्द्र रसिकको ११औं कृति बालचित्र कथा ‘बेलबहादुरसँग बिहे’ बजारमा उपलव्ध छ । कृतिलाई प्रकाशन गृह एडुकेशनल पब्लिसिङका रमण राउत, शितल सुकुभटु र कथाकार जितेन्द्र रसिकले संयुक्त रुपमा लोकार्पण गर्नु भउकाे हाे । कथामा नेवा: परम्परामा आधारिक इहि संस्कृतिमा प्रयोग हुने बेललाई प्रतिक बनाएर इहि परम्परामाथि नेवार समुदायका बालिकाको जिज्ञासाको समाधान खोजिएको छ । बेलबहादुरसँग बिहे कथामा एकल महिलाप्रति समाजले हेर्ने दृष्टिकोण र इहि परम्परा भित्र लुकेको सामाजिक क्रान्तिका सन्दर्भ बालमनोविज्ञानमा आधारित रहेर रमाइलो तरिकाले प्रस्तुत गरिएको छ ।

कथा कृति विद्यालय तहसम्मका बालबालिकाका लागि निकै उपयोगी रहने एडुकेशनल पब्लिसिङ हाउसका रमण राउटले बताउनु भयाे । त्यस्तै एडुकेशनल पब्लिशिंग हाउसका लेआउट डिजाइनर शितल सुकुभुटुले ‘बेलबहादुरसँग बिहे’ चित्रकथा बालबालिकाको हातमा परेपछि छोड्नै मन नलाग्ने दावी गर्नु भयाे। संवादात्मक चित्रकथा निकै रमाइलो र जति पढ्यो पढुँपढुँ लाग्ने प्रस्तुती रहेकाले पनि बालबालिकामाझ ‘बेलबहादुरसँग बिहे’ चित्रकथा लोकप्रिय हुने उहाँकाे बिश्वास छ ।

कथामा वरिष्ठ चित्रकार एक्कारामसिं को चित्र रहेका छन् । लेआउट एडुकेशनल पब्लिसिङ हाउसका वरिष्ठ डिजाइनर शितल सुकुभटुको रहेको छ । चित्र कथा एडुकेशनल पब्लिशिंग हाउसले सार्वजनिक गरेको हो । रंगीन चित्र सहितको चित्रकथामा ३६ पृष्ठ छन् । यसको मूल्य १५० रुपैयाँ रहेको छ । रत्नपुस्तक भण्डार भोटाहिटीं, एडुकेशनल पब्लिसिङ हाउस जमल लगायत काठमाडौंका सबै पुस्तक पसलमा पुस्तक उपलब्ध  छ । काठमाडौं बाहिर पनि उपलव्ध छ ।